Daily Archives: October 27, 2015

搭船搭車去 大澳 為「掃街」，未出發前有諗過係唔係誇張咗啲，不過由碼頭開始一路食到過橋去埋吉慶街，冇一間冇一檔令人失望，集中晒各式懷舊美食。反正秋高氣爽，約埋幾個朋友一邊歎懷舊小食一邊水鄉郊遊，回程搭巴士去東涌outlet shopping，好一個充實美滿的周末！ 1.紫貝天葵茶 $12 搭船同搭巴士都是在碼頭落船，第一件事梗係買定支飲品傍身，在 大澳 仲飲礦泉水?梗係揀紫貝天葵水或羅漢果茶，清甜解渴，你覺得好熱的話，仲可以問店員買支雪到結冰嘅，拎住半日仲都係入口透心涼。唔口渴唔買住唔緊要，沿途都有得買，都係$12-$15支。